Habs içün geldi gelür ıtlâk içün fermân bana

 
Habs içün geldi gelür ıtlâk içün fermân bana 
Evveli kahr âhiri ihsân ider Sultân bana

Erba'înüm çün tamâm oldı dahi on gün geçer
Hatm olur menzil merâtib cân olur cânân bana

Kâbe kavseyni ev ednâ üç yüz ellidür bilün 
Toğdı gün mağribden açdı zulmeti Sübhân bana

Geldi Hak bâtıl firâr itdi tolaşdı mağribe
Zâhir oldı gizli sırlar virdi Hak bürhân bana

Oldum İsmâ‘il gibi teslîm-i Hak indi hemin 
İki bin yüz dahî yetmiş beşde bir kurban bana

Anladum zebh-i azîme bir işâretdür bu koç 
Hem beşâretdür gele Yahyâ ile mihmân bana

Bu didügüm vakâ ancak bu yüzün başındadur 
Elli bin yüz dahî yüz yetmişde bir fermân bana

Halk-ı ‘âlem didiler ‘İsâ’ya Mışrî bir zamân 
Dahi bundan özge mâ evhâ didi Kur’ân bana